முதியோர்களுக்கான உதவித்தொகை நிலுவைத் தொகையுடன் வழங்க அரசு தீர்மானம் குறைந்த வருமானம் கொண்ட 70 வயதுக்கு மேற்பட்ட பயனாளிகளுக்கு அரசு வழங்கும் ரூ.3,000 முதியோர் உதவித்தொகையை, நவம்பர் 2024 முதல் நிலுவைத் தொகையுடன் வழங்க அரசு முடிவு செய்துள்ளது.
மார்ச் 20 ஆம் திகதி முதல் தொடர்புடைய கொடுப்பனவுகள் வழங்கப்படும் என்று முதியோர் செயலகத்தின் பணிப்பாளர் சதுர மிஹிந்தும அறிக்கை வெளியிட்டுள்ளார்.
நலத்திட்டத்தின் மூத்த பயனாளிகளுக்கான உதவித்தொகை, நலத்திட்டப் பலன்கள் வாரியத்தால் சீட்டு முறை மூலம் நேரடியாக நலக் கணக்குகளில் வரவு வைக்கப்பட உள்ளது.
அதன்படி, இதுவரை உதவித்தொகை பெறாத குடும்பங்களில் உள்ள முதியவர்களுக்கு மட்டும் மார்ச் 20 ஆம் திகதி முதல் தபால் மற்றும் பிரதி தபால் நிலையங்கள் மூலம் நிலுவையில் உள்ள கொடுப்பனவுகள் உள்ளிட்ட பணம் செலுத்த தேவையான ஏற்பாடுகள் செய்யப்பட்டுள்ளன.
இதன் மூலம் தொலைதூரப் பகுதிகளில் உள்ள பயனாளிகள் எந்த சிரமமும் இல்லாமல் பணத்தைப் பெற முடியும் என்றும் கூறப்பட்டுள்ளது.
